Dating mala-berdeng tanawin
Sa tinatawag na Pugad Lawin
Ngayo'y puno na ng gusali
Naging garahe ng sasakyan
Dito sa amin dati,
Maraming taong nagkakasayahan
Pero ang oras na ang nagdikta
Ito na ngayon ay ang aming kasaysayan
Sa kabilugan ng buwan,
Kami ay nag-iinuman at nagtatawanan
Tunog ng gitara hindi mawawala
Kahit ang kapitbahay ay magwala
Ngayon, hindi na ito maranasan
Iba'y umalis--lumisan
Iba'y naghanap ng ibang tropa
Dahil sa kanilang tamang hinala
Aming tropahan na hindi matibag
Hanggang ngayon ay nabubuhay
Kahit gaano kasikip ang pagkakataon
Kami mismo ang nagpapaluwag
Sa isang sikretong pagkikita
Doon muli nagkakasayahan
Wala nang nakakakita--
Ngunit meron parin naghihinala
Oh! asan na ang mga punong sinisilungan
Asan na ang aming karapatan?
Hindi naman sila kabilang sa aming lahi
Bakit sila pa mismo ang sadyang naghahati?
Katahimikan ng Pugad dati hindi ko na marinig
Dahil sa makina at tambuchong nananaig
Umaga, tanghali, at gabi
Tunog ng sasakyan naririnig sa tabi
Walang komento:
Mag-post ng isang Komento