Ilog Pasig kong mahal,
Dating kagandahan mo'y nawala
Sinira--winasak ng mga tanga
Iyong kagandahan naging ala-ala
Ilog Pasig kong mahal,
Dating may buwaya't isda
Mga kapitalistang nang-alipusta
Mga BUWAYA na lang ang natira
Ilog Pasig kong mahal,
Bakit iyong amoy ay bumaho?
Bakit iyong tubig naglaho--
Pinalitan ng kulay ng krudo
Ilog Pasig kong mahal,
Ginahasa't pinabayaan
Ng ating pamahalaan--
Para sa sarili, para yumaman
Ilog Pasig kong mahal,
Puno ka na ng plastik at basura
Halika, tignan niyo, kayo'y mapapamura--
Sa ginawa nating kalokohan
Walang komento:
Mag-post ng isang Komento